БИШКЕК, 10-апр. — Sputnik. Россиянын премьер-министри Михаил Мишустин Евразия өкмөттөр аралык кеңешинин жыйынында Евразия экономикалык комиссиясы коронавирус менен күрөшүү жана экономиканы колдоо боюнча иш-чаралардын пакетин даярдап койгонун билдирди.
"Тийиштүү пакет ыкчам кабыл алынды. Анда бардык тармак камтылган", — деди Мишустин.
Кийин ал ЕАЭБ өлкөлөрүнүн өкмөттөрүнүн алдында турган маселелерди санап берди:
- Приоритеттүү маселе — ЕАЭБ мамлекеттериндеги жарандардын жашоосун, ден соолугун коргоо.
- Санитардык-эпидемиологиялык жаатындагы кызматташууну күчөтүү. Ошондой эле илдеттин жугушун азайтуу;
- Экинчи маселе — бирдиктүү рыноктун, айрыкча логистикалык инфраструктуранын азык-түлүк жеткирүү жаатындагы ишин камсыздоо.
- Алдын ала консультация механизминин иши дагы маанилүү:
- Убактылуу чектөөлөрдү киргизүү эки сутканын ичинде макулдашылышы керек;
- Товар дефицити жаралган жагдайларга карата көмөк көрсөтүү, экономиканы колдоо каралган;
- Биргеликте негативдүү факторлордун таасирин төмөндөтүп, дүйнөлүк рыноктогу белгисиздик кырдаалда иштөөгө үйрөнүү зарыл.
Эске салсак, жыйын видеоконференция форматында өтүп жатат. Башкы тема — пандемия учурунда экономикалык стабилдүүлүктү камсыздоо.