БИШКЕК, 9-апр. — Sputnik. Эртең, 10-апрелде, Кыргызстандын аймагында аба ырайы төмөндөп, үшүк жүрөт. Бул тууралуу ӨКМден билдиришти.
Маалыматка караганда, аба ырайынын температурасы Чүйдө -3...-5, Таласта -5...-7, Ош, Жалал-Абад, Баткен облустарында 0...-2 градуска жетет.
11-апрелде дагы түнкүсүн Талас, Ысык-Көл облустарынын дыйканчылык аймактарында 2…4 градус суук болуп, үшүк жүрүшү күтүлөт.
Мындай абал өрүктүн гүлдөгөн жана гүлдөп гүлү түшкөн бүчүрлөрүнө, данектүү мөмө бактарынын эрте сортторуна коркунуч алып келет.