БИШКЕК, 9-апр. — Sputnik.Нурболот Усенбаев саламаттык сактоо министринин орун басары — Кыргызстандын башкы санитардык врачы болуп дайындалды. Бул тууралуу аталган министрликтен билдиришти.
Саламаттык сактоо министринин жаңы орун басары дайындалды
© Фото / Пресс-центр Минздрава КР
Маалыматка караганда, жаңы орун басар 1962-жылы 23-апрелде Фрунзе шаарында төрөлгөн. Жогорку билимдүү. 1985-жылы Кыргыз мамлекеттик медициналык институтунун "санитардык дарыгер" кесибин аяктаган.
Эске салсак, буга чейин, 8-апрель күнү, министрдин орун басары Төлө Исаков өз каалоосу менен кызматынан кеткен болчу.