БИШКЕК, 6-апр. — Sputnik. Шейшемби күнү, 7-апрелде өлкөнүн тоолуу райондордо жолдор тайгак болот. Бул тууралуу Кыргызгидромет маалымдады.
Батыштан соккон шамалдын ылдамдыгы секундасына 4-9 метрден күндүз айрым жерлерде 15-20 метрге жетет.
Абанын температурасы Чүй, Талас, Ош, Жалал-Абад, Баткен облустарында +19...+24, Ысык-Көл аймагында +13...+18 жана Нарын жергесинде +14...+19 градус жылуу болот.
Бишкекте күн ачык болсо, ал эми Ошто бир аз жаан жаайт. Күндүн табы борборубузда жана Ошто +22...+24 градуска чейин жетет.