Ал окуя кандай болгонун Sputnik Кыргызстан маалымат агенттигинин видеоинфографикасынан көрүңүздөр.
2010-жылы 7-апрелдеги ыңкылаптын чыгышына бийликтегилердин электр энергиясы менен жылуулукка тарифти кескин көтөрүшкөнү себеп болгон.
“Ала-Тоо” аянтындагы кандуу окуялардан кийин президент Курманбек Бакиев кызматтан кетип, кийин сыртынан өмүр бою эркинен ажыратылган.
Жалпысынан 2010-жылдагы апрель окуяларында 123 адам өмүрү менен кош айтышып, миңден ашуун киши жаракат алган. "Ала-Тоо" аянтында 87 адам көз жумса, 36сы кийин каза болгон.
7-апрель Кыргызстанда расмий түрдө Апрель революциясынын күнү болуп саналат. Быйыл өлкө Апрель элдик революциясынын 10 жылдык мааракесин өткөрмөк. Тийиштүү Жарлыкка президент Сооронбай Жээнбеков кол койгон эле.