Бишкектеги өзгөчө абал режимине байланыштуу өкмөт көпчүлүк мамлекеттик кызматкерлерге үйдөн иштөөнү сунуштаган. Маморгандардын өкүлдөрү Каттоо кызматынын алдындагы “Инфоком” ишканасы тарабынан даярдалган электрондук документ жүгүртүү системасын колдонушууда.
Sputnik Кыргызстан агенттигинин кабарчылары мамлекеттик органдар менен байланышып, ӨА учурунда кандай график жана форматта иштеп жатканын билип көрдү. Иш убактысынан сырткары кайсы телефондор, электрондук даректер, сайттар аркылуу кызыктырган суроолорго жооп алса болорун кошо тактадык (маалымат алуу үчүн картадагы белгилерди басыңыз).
Ички иштер министрлигинин штаты дагы жумасына жети күн иштөөдө. Билим берүү жана илим министрлигинин графиги дагы ушундай. Көпчүлүк мамлекеттик органдарда дем алыш күндөрү нөөмөттөгү бөлүм башчылар иштеп жатышат. ӨКМде күнү-түнү нөөмөттө туруу системасы киргизилген.
Президенттин аппаратындагы кызматкерлер дем алыш күндөрү кезек менен, мындай күндөрү айрымдары үйдөн иштеп жатат.
Кыргызстандагы соңку кабарлардын сүрөт жана видеобаяндамаларын тексттик трансляциядан көрүңүз.