БИШКЕК, 3-апр. — Sputnik. 4-апрель, жума күнү, күндүз републиканын аймагында жаан-чачын күтүлбөйт. Бул тууралуу Кыргызгидромет маалымдады.
Батыштан соккон шамалдын ылдамдыгы секундасына 4-9 метрге жетиши мүмкүн.
Абанын температурасы Чүй, Талас жергесинде +19…+24, Ош, Жалал-Абад, Баткен облустарында +20...+25, Ысык-Көл өрөөнүндө +11...+16 жана Нарын аймагында +10…+15 градус жылуу болору айтылды.
Күндүн табы Бишкекте +22...+24 жана Ош шаарында +23...+25 градуска чейин жогорулайт.