БИШКЕК, 2-апр. — Sputnik. Президент Сооронбай Жээнбеков өкмөттүн жаңы мүчөлөрүн дайындоо боюнча Жарлыкка кол койду.
Ага ылайык, Аида Исмаилова вице-премьер-министр, Сабыржан Абдикаримов саламаттык сактоо министри болуп дайындалды. Алар бүгүндөн тарта кызматка киришти.
Өкмөт мүчөлүгүнө талапкерлерди кечээ Жогорку Кеңештин депутаттары бир добуштан колдоп беришкен.
Аида Исмаилова "Республика — Ата-Журт" фракциясынын тизмеси менен Жогорку Кеңештин депутаты болуп эмгектенип жүргөн.
Мындан ары ал өкмөттүн социалдык маселелерин тескеп, коронавирустун жайылышын алдын алуу боюнча Республикалык штабды жетектейт.
Ал эми Сабыржан Абдикаримов буга чейин Республикалык карантиндик жана жугуштуу оорулар борборунун жетекчиси болуп иштеп жаткан.