БИШКЕК, 2-апр. — Sputnik. Борбор калаада бирөөнү артынан барып жамбашка тепкен киши милиционер эмес. Бул туурасында Ички иштер министрлигинен билдиришти.
Кечээ, 1-апрель күнү, атайын формачан кызматкер “Кудайберген” базарындагы тосмонун жанында турган кишини артынан барып тепкен видео интернетке тараган. Ал укук коргоо органдарынын кызматкери экени айтылган эле.
Бул боюнча Ички иштер министрлиги териштирүү жүргүзүп видеодогу формачан киши “Кудайберген” базарынын күзөт кызматынын кызматкери экенин аныктады.
Ошону менен бирге ИИМ жарандарды жалган маалымат таратпоого чакырып, бул үчүн катуу жаза колдонуларын эскертти.