БИШКЕК, 26-мар. — Sputnik. Бишкекте суу, газ жана электр энергиясынын көрсөтмөлөрү онлайн кабыл алынат. Бул тууралуу мэриянын маалымат кызматы кабарлады.
Суунун көрсөтмөсүн "Бишкек суу каналдын" www.bishkeksuukanal.kg (voda.link.kg) сайты аркылуу, 0554 69 99 51 номерине SMS же WhatsApp аркылуу жөнөтсө болот. 976944 жана 565671 телефондоруна чалып айтса да болот.
"Эгер көрсөтмөлөрдү жибере албай калсаңар, анда айдын орточо эсеби чыгып келет. Кийинки айда эсепти теңдеп коюшат", — деп айтылат маалыматта.
Электр энергиясынын көрсөтмөсүн райондук инспекторлордун номерлерине жиберүү керек. Кошумча маалыматты 1209 кыска номерине чалып же 0555001209 WhatsApp номери аркылуу ала аласыздар.
"Бишкек жылуулук" ишканасынын абоненттери ысык суу жана жылуулуктун көрсөтмөсүн 611169 номерине, teplosetikg_bot. Тelegram-каналына жөнөтө алышат.
Эгер лифт иштебей калса, 437848, 0553658179 номерлерине чалсаңыздар болот.
Санитардык тазалоо боюнча Бишкектин төрт районуна төрт башка номерлер аркылуу кайрылуу керек.
Свердлов району — 344753, Ленин району — 345041, Биринчи май району — 345113, 0555827028 WhatsApp номери, ал эми Октябрь районунун тургундары 0777956600 WhatsApp номерине жазса болот.