Кечээ Өзгөчө кырдаалдар министрлигинин Бишкек шаары боюнча башкармалыгы "Мадина", "Аламүдүн", "Ош" жана "Орто-Сай" базарларында дезинфекциялоо иштерин жүргүздү. Бул тууралуу ведомстводон билдиришти.
Тазалоо жүргүзүлөрдөн мурда тегерек-четтеги элге үн катуулаткыч менен кабар берилген. ӨКМ кызматкерлери, мындан тышкары, шаардыктарга жеке гигиенаны сактоо боюнча маалымат берди.
Дезинфекция учурунда тартылган видеолорду шаардыктар дагы жарыялап жатышат. Мисалы, @dich45 аттуу колдонуучу Telegram каналына мындай видео жүктөдү.
"Алгач терезенин алдында миньондор жүрөбү деп ойлодум. Көрсө дезинфекция кылып жатышыптыр. Рахмат аларга", — деп жазды шаар тургуну.
Мындай иш-чаралар республика боюнча жүргүзүлүп жатат. Ага ӨКМдин жеке курамы жана өрт өчүрүүчүлөр тартылды.