БИШКЕК, 24-мар. — Sputnik. Ким Кардашьяндын латекстен тигилген кийимдерин кие албай, ага дагы үчөө жардамдашып жаткан видеосу интернет айдыңына тарап, ал көптөрдүн талкуусуна түштү. Бул тууралуу Metro.co.uk басылмасы жазды.
Роликтен ал костюмдун үстүңкү жагын кийип, ал эми чыптаган желим шымды эки аял менен бир эркектин кийгизе албай убара болуп жатканын көрүүгө болот.
Шоумен аялдын бул кылыгын көргөн интернет колдонуучулардын көбү күлкүсүн тыя албай, аны бир топ буюмдарга салыштырып, тамашалашкан.
Анткен менен бир караганда белгисиз бир материалды бир нече адам айрып алчудай тарткылап жаткан бул видеону 550 миң адам көрүптүр.
"Ажатканага баргысы келген абалын элестетсеңер", "Бир сааттан кийин кандай жыттанарын элестете бергиле", "Кагазга оролгон момпосуйга окшоп калыптыр", "Таңгакталган кагаз бул жакта калсын" деген пикирлер айтылган.