БИШКЕК, 23-мар. — Sputnik. 24-март күнү, шейшембиде, күндүз кээ бир райондордо жаан жаап, тоолуу аймактарга кар түшөт.
Батыштан соккон шамалдын ылдамдыгы секундасына 4-9, айрым райондордо 15-20 метрге жетет. Абанын температурасы Чүйдө +9...+14, Талас жана Ысык-Көл жергесинде +8...+13, Ош, Жалал-Абад жана Баткен облустарында +14...+19, Нарын өрөөнүндө +7...+12 градус жылуу болот.
Ош шаарында мезгил-мезгили менен жаан жаап, күндүн табы +16...+18 градуска жетсе, борбор калаада жамгыр жаашы күтүлбөйт, абанын температурасы +12...+14 градусту көрсөтүп турат.