БИШКЕК, 22-мар. — Sputnik. Кыргызстандын жети облусунда 14 санитардык-карантиндик пост орнотулат. Бул туурасында Республикалык штаб билдирди.
Алар төмөнкү жактарга коюлмакчы:
- Баткен облусунун Караван айылында — 1 пост;
- Ош облусунун Кара-Суу районунун Жапалак жана Мады айылдарында, Өзгөн районунун Ана-Кызыл айылында — 4 пост;
- Жалал-Абад облусундагы Чычкан постунда — 1 пост;
- Талас облусунда Көпүрө-Базар айылында — 1;
- Нарын облусунун Кочкор районунун Сары-Чат айылында — 1 пост;
- Ысык-Көл облусунун Кубакы постунда — 1 пост;
- Чүй облусунда Сосновка, Маловодное, Киргшелк, Ак-Жол, Алматы айланма жол постторунда — 5 пост.
Санитардык-карантиндик посттор эки нөөмөттө күнү-түнү иштейт. Аталган посттордо ӨКМ, ИИМ органдарынын, Саламаттык сактоо министрлигинин кызматкерлери жана жергиликтүү бийлик органдары болот.