БИШКЕК, 20-мар. – Sputnik. Коронавирус жуктуруп алган алты адам стационардык дарыланууда, абалы канааттандырарлык. Бул тууралуу Саламаттык сактоо министрлигинен билдиришти.
Маалыматка караганда, обсервацияга алынгандардын саны – 410. Ал эми жашаган жери боюнча медициналык көзөмөлдө тургандар — 1251. Бардыгынын тең абалы канааттандырарлык. Мындан сырткары, жашаган жери боюнча 14 күндүк көзөмөлдөн 1309 адам чыгарылды.
- Кыргызстанга келген жарандарды обсервациялоого жана жаткырууга Саламаттык сактоо министрлиги менен ӨКМ тарабынан 2290 орун даярдалды;
- Дарылануучу мекемелерге жаткырууга – 504;
- Дарылануучу мекемелерге обсервациялоого - 160;
- "Эркеч-Там" көзөмөл-өткөрүү бекетинде – 170;
- "Торугарт" көзөмөл-өткөрүү бекетинде – 100;
- "Манас" эл аралык аэропортунда – 803;
- Ош шаарындагы "Барчын" медициналык борборунда – 70;
- "Ош" эл аралык аэропортунда – 40;
- Ош шаарындагы Аскер госпиталында – 70;
- "Беш-Күнгөй" аскер госпиталында – 75;
- "Ак-Кеме" мейманканасында – 298 орун даярдалган.