БИШКЕК, 19-мар. — Sputnik. Улуттук банк учурда интервенция жүрүп жатканын, тагыраагы, валюта рыногунда доллар сатылып жатканын билдирди.
Кандай баада сатылып жатканын башкы банк тактаган жок.
Бүгүн, 19-мартта, эртең менен бир долларды сатып алуу 72,9 сом, ал эми сатуу 73 сом болуп жаткан. Кечке жуук курс кескин жогорулап, 85 сомго чыкты.
Учурда Valuta.kg порталы жана өлкөнүн банктарында долларды сатып алуу 73 сом (10 тыйынга жогорулады) жана сатуу 85 сомго чыкты. Заматта секирик жасап 12 сомго кымбаттады.
Ошондой эле доллардын артынан евронун баасы дагы 102 сомго чыкты.