БИШКЕК, 18-мар. — Sputnik. Коронавирусту алдын алуу боюнча ыкчам штаб тынымсыз байланыш номерлерин ишке киргизди.
0312 323202 номери аркылуу жарандар коронавирус боюнча бардык суроолору менен адистерге кайрыла алат. Ошондой эле 0770 895556 номери менен WhatsApp мессенджери иштөөдө.
Мындан тышкары, Коронавирусту алдын алуу боюнча ыкчам штабдын Telegram-каналына улам жаңы маалыматтарды берип жатат.
Эске салсак, бүгүн Кыргызстанда коронавирус жуктуруп алган ачгачкы учур катталды. Жуктуруп алгандар Сузак районунда. Алар Сауд Аравиясынан келишкен. Үчөө тең 70, 62 жана 42 жаштагы эркек кишилер экени айтылды.