Бул окуяны видеого Вики Стивенсон тартып алып, Kruger Sightings паркынын YouTube каналына жүктөгөн.
"Гиеналардын ачуу кыйкырыгын угуп, эмне болуп жатканын билүү үчүн үн чыккан тарапты көздөй жөнөдүк. Дарыянын ичинде эки жырткычтын бири-бири менен кармашып жатканын көрдүк", — деген видеонун автору.
Анын айтымына караганда, жырткычтын биринин төбөсү канжалап жүргөн. Жарадар болгону уруштан алыс болууга аракет кылганы менен ага үстөмдүк кылган алдуураагы коё бергенге шашылган эмес. Ошентип кармаш эки саатка жакын уланган.
Маалыматта күчтүү гиенага дагы экөө келип кошулганы айтылат.
"Бул кармашта жарадар болгон жырткычтын аман калбай тургандыгын туюп, тынчын албоо максатында башка жакка кеткенбиз", — деп жазган ал.
Турист кечирээк үчөө жарадар гиенаны өлтүрүп койгонун уккан.