БИШКЕК, 17-мар. — Sputnik. Ош шаардык милициянын кайгуул кызматы бөлүмүнө ваканттык орундарга конкурс жарыяланды. Бул туурасында ИИМдин алдындагы Жол кыймылы коопсуздугун камсыздоо башкы башкармалыгынын маалымат кызматынан билдиришти.
Ага ылайык, кайгуул милициясынын түрдүү кызматтарына 219 кызматкер керектелип жатат.
Документтер ушул жылдын 16-апрелине чейин кабыл алынат. Конкурска катышуу үчүн Ош шаарындагы Касымбеков көчөсү, 30 дареги боюнча кайрылуу зарыл, же болбосо 3-9563 жана 3-9562 номерлерине чалуу керек.
Толук маалыматты ЖКККББнын расмий сайтынан алууга болот.