БИШКЕК, 16-мар. — Sputnik. Германиядан Казакстанга ата-энеси менен учуп келип, коронавирус табылган 12 жаштагы кыз Балдардын инфекциялык ооруканасынын атайын бөлүмүндө, абалы канаттандырарлык. Бул туурасында Sputnik Казакстан жазды.
"2008-жылы туулган кыз ата-энеси менен Алматыга учуп келген. Өспүрүм келери менен ооруканага жаткырылган. Учактагы 12 киши, анын ичинен пилоттор кошо изоляцияланып, анализдер алынды", — деп билдирди агенттик.
Учурда Алматыда алты адам чоңдордун инфекциялык ооруканасында жатат. Шаарда азыркы күндө коронавирус жуктуруп алган жети киши бар.
Ал эми Казакстан боюнча тогуз адам COVID-19га чалдыккан.
Дүйнөнү түйшүккө салып жаткан коронавирус менен Кытайда киши ооруду деген маалымат 31-декабрда тараган. 11-мартта Дүйнөлүк саламаттыкты сактоо уюму коронавирус боюнча пандемия жарыялады.