БИШКЕК, 14-мар. — Sputnik. Жекшемби күнү, 15-мартта, күндүз республика боюнча күн ачык, тоолуу райондордо жолдор тайгак болот. Бул тууралуу Кыргызгидромет маалымдады.
Батыштан соккон шамалдын ылдамдыгы секундасына 2-7 метрге жетет.
Абанын температурасы Чүй өрөөнүндө +17...+22, Талас жергесинде +16…+21, Ош, Баткен, Жалал-Абад облустарында +18…+23, Ысык-Көл, Нарын аймактарында +7…+12 градуска жылыйт.
Күндүн табы Бишкекте +19...+21, Ошто +20...+22 градуска чейин жогорулайт.