БИШКЕК, 14-мар. – Sputnik. Канаданын Торонто штатындагы эл аралык конференцияга катышкан Кыргызстандын жараны кечээ күнү дене табы көтөрүлүп ооруканага жаткырылды. Бул тууралуу Саламаттык сактоо министрлигинен билдиришти.
Жаран мекенине кайткандан кийин иш-чаранын уюштуруучулары Торонто штатындагы конференциянын катышуучуларынын биринен коронавирус аныкталганын айтышкан.
Буга чейин соцтармакта жарандын үйүнө медиктер келген сүрөт тараган.
Чара көрүү алгоритмине ылайык, жерине Тез жардам кызматы Санитардык-эпидемиологиялык көзөмөл борборунун кызматкерлери менен биргеликте барышкан.
Бейтаптан мазок алынып, лабораторияга жөнөтүлгөн. Жыйынтыгы азырынча чыга элек. Учурда жаран Бишкектеги ооруканалардын биринде кармалууда. Абалы канааттандырарлык.