БИШКЕК, 11-мар. — Sputnik. Быйыл борбор калаадагы Жукеев-Пудовкин көчөсүн узартуу иштери башталат. Бул тууралуу мэриядан билдиришти.
Аткарыла турган ишке жалпы жонунан 153,4 миллион сом сарпталат. Мамлекеттик сатып алуулар порталына тендер дагы жарыяланган.
"Түштүк Чүй каналы аркылуу көпүрө курулуп, жол Токомбаев көчөсүнөн Сухэ-Баторго чейин узартылат. Келечекте Жукеев-Пудовкинди Орто-Сай айылындагы Балык-Кумар көчөсүнө чейин узартуу пландалууда", — дешти мэриядан.
Трасса алты тилкелүү болуп, ортосун бөлүп турган чийин болот. Жолдун туурасы — 24 метрге жетет.
31-март күнү конкурска түшкөн арыздар ачылат.