Акция саат 12:00гө пландалып, уюштуруучулар "Жеңиш" аянтына келип, даярдыгын баштаган. Бир аздан соң ал жерге келген 30га чукул адамдар маршты таратканга аракеттенген. Ызы-чуудан кийин милиция келип, марштын катышуучуларын күч менен ошол жерге келген автобустарга сала баштаган.
Марштын катышчууларынын дээрлик бардыгы — 100гө чукул адам кармалды. Милиция аларды эмнеге алып кеткендигин түшүндүргөн жок.
Анын себептеринин бири — Бишкекке митинг өткөрүүгө салынган тыюу болушу мүмкүн. Бирок 6-мартта Свердлов райондук милициясы митинг өткөрүү боюнча доо арызын чакыртып алган. Ал эми бүгүнкү марш өткөн "Жеңиш" аянты Свердлов районуна карайт.