БИШКЕК, 6-мар. — Sputnik. Ишемби күнү, 7-мартта, күндүз көпчүлүк аймактарда мезгил-мезгили менен кар жаайт. Бул тууралуу Кыргызгидромет билдирди.
Батыштан соккон шамалдын ылдамдыгы секундасына 3-8 метрден 15-20 метрге жетет.
Абанын температурасы Чүй өрөөнүндө -1...+4, Талас жергесинде -2...+3, Ош, Баткен, Жалал-Абад облустарында +1...+6, Ысык-Көл аймагында -3...+2 градус, ал эми Нарында суук өкүм сүрүп, термометрдин көрсөткүчү -1...-6 градуска чейин төмөндөйт.
Бишкек жана Ош шаарларында мезгил-мезгили менен кар жаап, күндүн табы +1...+6 градус жылуу болот.