БИШКЕК, 4-мар. — Sputnik. Дүйнөлүк саламаттык сактоо уюмунун коронавирус боюнча отчетундагы эң кызыктуу жана негизги фактыларды "Лайфхакер" басылмасы жарыялады.
1. Коронавирус бейтап менен байланыш болгондо гана жугат деген божомол бар.
2. Оору эки жумага созулат. Өтүшүп кетсе, үч аптадан алты жумага чейин уланат.
3. Бул илдет белгилери жок өтүшү мүмкүн эмес. Коронавирус көп учурда белги берет. Алар ооруну жуктуруп алгандан кийин бир нече күндөн соң байкала баштайт.
5. Кытайдагы бул вирусту жуктуруп алган 44 672 адамдын ичинен орто эсеп менен 3,4 пайызы көз жумган. Бул изилдөө учурунда далилденген. Мындай көрсөткүч жаш курак, жыныс жана башка ден соолуктагы башка көйгөйлөрдөн көз каранды.
6. Адам канчалык жаш болсо, ооруну жуктуруп алуу жана өтүштүрүп жиберүү коркунучу азыраак болот. Азыркы тапта ооруну жуктуруп алгандардын 72,8 пайызы 40 жаштан жогору курактагылар. 19 жашка чейинкилердин ичинен 2,1 пайызы гана бул илдетке кабылган.
7. Аялдар менен эркектер дартка бирдей эле кабылат. Эгер бул ооруну алты айлык боюнда бар кыз-келиндер жуктуруп алса, ымыркай дени сак эле төрөлөт. Жаңы бойго бүткөндө түйүлдүккө бул вирус кандай таасир этерин айтуу азырынча эрте.
8. COVID-19 вирусу адамдарга жаныбардан жуккан деген божомол бар.
Биз анализ тапшыра турган лабораториялар тууралуу маалымат чогулттук. Баасы, дареги, телефон номерлери