БИШКЕК, 28-фев. — Sputnik. 27-февраль күнү Улуттук банк 28,4 миллион доллар сатты. Маалымат башкы банктын сайтына жарыяланган.
Бул жыл башынан берки үчүнчү ирет жасалган интервенция, жалпы жонунан 86,5 миллион доллар сатылды.
РИА Новости жазган маалыматка караганда, Россияда евро менен доллардын баасы сентябрдан бери биринчи ирет көтөрүлдү. Бирок кайра арзандаган болчу. Баа нефтинин арзандашы жана коронавируска байланыштуу кырдаалдан улам жогорулаганы айтылды.
Кыргызстанда доллардын курсу мурунку чегинде — 69,8-69,85 сом болуп кармалып турат. Ал эми евро 40-50 тыйынга кымбаттады.