БИШКЕК, 22-фев. — Sputnik. КР биринчи вице-премьер-министри Кубатбек Боронов Белоруссиянын премьер-министри Сергей Румас менен жолугуп, кызматташтык маселелерин талкуулады. Бул тууралуу өкмөттүн маалымат кызматы кабарлады.
Билдирмеге ылайык, Белоруссиянын Минск шаарында Соода-экономикалык кызматташтык боюнча кыргыз-белорусь өкмөттөр аралык комиссиясынын жыйыны өтүүдө.
Жолугушууда эки тараптуу кызматташтыктын актуалдуу маселелери, соода жүгүртүүнү кеңейтүү мүмкүнчүлүктөрү талкууланган.
"Тараптар кызматташууну тереңдетип, эки өлкөнүн ишкерлерине аянтча түзүү максатында бизнес форум өткөрүүнү макулдашты", — деп жазылат маалыматта.
Жолугушууда жогорку технологиялар жаатында кызматташуу тууралуу кеп болуп, Белоруссия тарап тажрыйбасы менен бөлүшүүгө даяр экендигин билдирген.