БИШКЕК, 18-фев. — Sputnik. Жон Хопкинс атындагы университеттин Системалуу изилдөө жана инжиниринг борборунун сайтындагы маалыматка караганда, ушул тапта дүйнө жүзү боюнча COVID-19 коронавирусунан 1 873 адам көз жумду.
Коронавирус: жуктургандар, сакайгандар жана көз жумгандар. Акыркы маалымат
Ал эми жуктуруп алгандардын саны 73 миңден ашса, 12 745 адам сакайып кетти.
Коронавирус тууралуу
Кытай бийлиги 2019-жылдын 31-декабрында Дүйнөлүк саламаттык сактоо уюмуна (ДСУ) өлкөнүн борбордук бөлүгү Ухань шаарында белгисиз пневмония оорусу күч алганын билдирген. Адистер оорунун козгогучу коронавирус nCoV 2019 экендигин аныктап, эл аралык деңгээлдеги өзгөчө кырдаал деп жарыялашкан.
Бүгүн эртең менен ЖМКлардын жазганына караганда, Японияда кармалып турган Diamond Princess круиздик лайнеринде коронавирус жуктургандардын арасында бир кыргызстандык жаран бар.