БИШКЕК, 17-фев. — Sputnik. Шейшемби күнү, 18-февралда, Ош, Жалал-Абад, Ысык-Көл облустарынын кээ бир райондорунда катуу жаан-чачын күтүлөт. Бул тууралуу Кыргызгидромет билдирди.
Батыштан соккон шамалдын ылдамдыгы секундасына 4-9 метрден тоолуу райондордо жана Ысык-Көл акваториясында 15-20 метрге жетет.
Абанын температурасы Чүй, Ысык-Көл өрөндөрүндө -2…+3, Талас аймагында -4…+1, Ош, Жалал-Абад, Баткен облустарында 0…+5 градус жылуу, ал эми Нарын жергесинде -1…-6 градус суук болот.
Ош жана Бишкек шаарларында мезгил-мезгили менен кар жаайт. Күндүн табы борборубузда жана Ошто 0…+2 градуска чейин көтөрүлөт.