БИШКЕК, 16-фев. — Sputnik. Бишкекте көпүрөдөн автоунаа кулап, темир жолго түшүп калды.
Кырсыктын видеосу "Короче" Telegram каналына жарыяланды.
"ТЭЦтин жанындагы жаңы көпүрөдөн чыгып кеткен машина кулап, төрт дөңгөлөгү асманды карап калды", — деп айтылат маалыматта.
Автоунаанын ичиндегилер ооруканага баруудан баш тартканы белгилүү болду. Милициянын Кайгуул кызматы кырсык болгонун ырастады.