БИШКЕК, 15-фев. — Sputnik. Кыргызстандын аймагында күчү 5 баллга жеткен жер титирөө катталды. Бул тууралуу ӨКМдин маалымат кызматы кабарлады.
Жер 15-февраль күнү болжол менен 09:31де силкинген.
"Жер титирөө Ысык-Көл облусунун Ак-Суу районундагы Эңилчек, Кургак, Таш-Короо айылдарында төрт жарым балл, Койлуу, Май-Саз айылдарында үч жарым балл, Каракол шаарында эки жарым баллга чейин сезилген", — деп жазылат билдирүүдө.
Жаратылыш кырсыгынан эч ким жабыркаган эмес, кыйроолор жок.
Жер титирөө Казакстандын Алматы шаарында эки баллга чейин сезилген.