БИШКЕК, 14-фев. — Sputnik. Борбор калаанын түштүк тарабында эки жеңил унаа кагышып, бирөө капталынан кулап калды. Бул тууралуу Sputnik Кыргызстан агенттигине күбө билдирди.
Жол кырсыгы бүгүн саат 12:00дөр чамасында Токомбаев (Түштүк магистраль) менен Куттубаев көчөлөрүнүн кесилишинде болгон. Кадрдан эки унаанын тең трассадан чыгып кеткенин көрүүгө болот.
Бишкекте унаа трассадан чыгып кетип, капталынан кулап калды. Видео
© © фото очевидца, отправленное по Telegram-каналу
Жеринде милиция иштеп жатат. Күбөнүн айтымында, унаалардын бири жол чырактын сары түсүнөн өтүп кетүүгө аракет жасаган. Бирок жетишпей калгандыктан, соккудан качууга аракет жасаган.
Медиктер маалыматты тастыктады. Алдын ала маалымат боюнча, кырсыктан бир адам жабыркап, нейрохирургия бөлүмүнө жаткырылды.