БИШКЕК, 11-фев. — Sputnik. Өзбекстандын Наманган шаарында жасалма 20 миң долларды сатуу учурунда Кыргызстандын М.Н. аттуу жараны кармалды. Бул туурасында УКМКнын маалымат кызматынан билдиришти.
Ага ылайык, УКМК Өзбекстандын мамлекеттик коопсуздук кызматы менен биргеликте, жасалма акча каражаттарын даярдап, аны сатып жүргөн эл аралык кылмыштуу топтун ишине бөгөт койгон. Ал топто эки өлкөнүн жарандары жасалма акча каражаттарын мыйзамсыз жүгүртүү менен иш алып барганы айтылат.
Кыргызстандык киши ыкчам издөө иштерининин жүрүшүндө жалаң 100 долларлык купюраларды сатып жаткан маалда Наманган шаарынан колго түшкөн.
Тергөө жүрүп жатканы кошумчаланды.