БИШКЕК, 11-фев. — Sputnik. Бишкекте жеңил унаа түркүктү сүзүп, капталынан кулап калды. Бул тууралуу Sputnik Кыргызстан агенттигине Кайгуул милиция башкармалыгынан билдиришти.
Жол кырсыгы бүгүн, 11-февралда, саат 15:30дар чамасында 12-кичи райондогу Токомбаев көчөсүндө (Түштүк Магистраль) болгон.
"Subaru Legacy үлгүсүндөгү унаанын 30 жаштагы айдоочусу рулду башкара албай калып, электр түркүгүн барып сүзгөн. Жабыркагандар жок", — дешти милициядан.
Жол кырсыктын чоо-жайы такталып жатат.