БИШКЕК, 10-фев. — Sputnik. Бишкек шаарынан А.С. аттуу киши жасалма 10 500 еврону сатууга аракет кылып жаткан жеринен кармалды. Бул тууралуу УКМКдан кабарлашты.
Бишкекте 10500 жасалма евро сатууга аракет кылган киши кармалды
© Фото / пресс-служба ГКНБ КР
27 жаштагы шектүү 7-февралда колго түшкөн.
"Такталган маалымат боюнча, А.С. жасалма акчаны сатууну "К.Э.П." акча алмаштыруучу жайынын кассири менен биргеликте ишке ашырган", — деп айтылат маалыматта.
Колго түшкөн киши УКМКнын тергөө абагына киргизилди. Учурда бул мыйзамсыз ишке катыштыгы бар адамдарды аныктоо боюнча тергөө иштери улантылып жатат.