БИШКЕК, 9-фев. — Sputnik. Бишкектин Күрөңкеев жана Абдырахманов көчөлөрүнүн кесилишинде унаа оңдоочу жай өрттөнүп жатат. Бул туурасында Өзгөчө кырдаалдар министрлиги билдирди.
Кырсык тууралуу өрт өчүрүүчүлөргө саат 14:52лер чамасында маалымат түшкөн. Аталган дарекке эки бригада чыгып кеткени белгилүү болду.
Күбө жөнөткөн видеодо коюу кара түтүн абага көтөрүлүп жатканы алыстан көрүнүп турат.