БИШКЕК, 5-фев. — Sputnik. Милиция "Манас" аэропортунда уурулук жасоого шектелген адамды табышып коюуну суранат.
Табышып койгула! Аэропорттон уурулук кылды делген кишинин видеосу жарыяланды
© Фото / Пресс-служба МВД КР
ИИМден билдиришкендей, кылмыш фактысы өткөн жылдын 13-ноябрында катталган.
"Т.У. аттуу жүргүнчү металлодетектордон өтүп жаткан кезде өзүнүн жеке буюмун унутуп кеткен. Бир нече убакыттан кийин көзөмөлдөн өтүп жаткан башка киши ал буюмду көрүп калып алып койгон", — деп айтылат маалыматта.
Факты Кылмыш жана жоруктардын бирдиктүү реестрине "Уурулук" беренеси боюнча каттоого алынган.
Милиция шектүүнү көргөн-билгендер болсо 0 (312) 69-35-35, 0 (555) 65-11-88 номурлары аркылуу кабарлап коюуну өтүнөт.