БИШКЕК, 4-фев. — Sputnik. Бишкекте эл ташыган маршрутка аралашкан жол кырсыктан бир адам каза таап, үч киши жабыркады. Бул тууралуу Кайгуул күзөт милициясынан билдиришти.
Бүгүн, 4-февралда, Токомбаев менен Жукеев-Пудовкин көчөлөрүнүн кесилишинде төрт унаа кагышкан. Алардын арасында эл ташыган маршрутка дагы болгон.
"Каза тапкан адамдын жана жабыркагандардын ким экени такталып жатат", — дешти милициядан.
Жерине Тез жардам кызматынын эки унаасы барган.