БИШКЕК, 3-фев. — Sputnik. Шейшемби күнү, 4-февралда күндүз Чүй, Талас, Ош, Жалал-Абад, Баткен облустарынын көпчүлүк аймактарында жаан, кар жаашы күтүлөт. Тоо этектерине жана тоолуу райондорго, Ысык-Көл, Нарын облустарынын кээ бир жерлерине кар түшө тургандыгы айтылды. Бул тууралуу Кыргызгидромет билдирди.
Жолдор тоңуп, тайгалак болот. Шамалдын багыты өзгөрүлүп, ылдамдыгы секундасына 1-6 метрге жетет.
Абанын температурасы Чүйдө +2 … +7, Таласта +1 … +6, Ош, Жалал-Абад, Баткен облустарында +3 … +8, Ысык-Көл аймагында 0 … +5 градус болот. Ал эми Нарын өрөөнүндө термометр -8 … -13 градусту көрсөтөт.
Ош жана Бишкек шаарларында жамгыр, кар жаайт. Күндүн табы борбор калаада +5 … +7, Ошто +6 … +8 градуска чейин көтөрүлөт.