БИШКЕК, 3-фев. — Sputnik. Кыргызгидромет агенттиги ушул жумага карата аба ырайынын божомолун таратты.
Маалыматка ылайык, апта ичинде күн жылып, абанын температурасы жогорулайт.
4-февралда күндүз Чүй, Ош, Жалал-Абад облустарынын кээ бир райондорунда жаан жана кар жаап, тоолуу жерлерине кар түшөт. Ысык-Көл, Нарын облустарынын айрым аймактарында кар жаай турганы айтылды. Талас, Баткен облустарында жаан-чачын жаабайт. Жолдор тайгак жана тоңголок болот. Батыштан соккон шамалдын ылдамдыгы секундасына 4-9 метрден 15-20 чейин жетиши божомолдонууда.
6-февралда күндүз Чүй, Ош, Жалал-Абад облустарынын кээ бир тоолуу райондорунда кар жаайт. Башка аймактарда жаан-чачын күтүлбөйт.
7-февралда жаан-чачын болбойт. Шамалдын багыты өзгөрүлүп турат, ылдамдыгы секундасына 1-6 метрге жетиши ыктымал.
8-9-февралдарда жаан-чачын жаабайт. Абанын температурасы жогорулайт.