БИШКЕК, 30-янв. — Sputnik. Мурдагы экономика министри Артем Новиков премьер-министр Мухаммедкалый Абылгазиевдин кеңешчиси болуп дайындалды. Бул тууралуу өкмөттөн билдиришти.
Тийиштүү буйрукка өкмөт башчы 24-январда кол койгон.
Новиков Сапар Исаков премьер болуп турган кезде экономика министри болгон. 2017-жылы кызматка дайындалган кезинде ал 30 жашта болчу. Парламенттин өкмөткө ишеним көрсөтпөө чечиминен кийин Сапар Исаковдун командасы отставкага кеткен.
Буга чейин ал үч премьер-министрдин кеңешчиси болгон. 2010-жылдан тарта өкмөттүн аппаратында иштеген.