БИШКЕК, 28-янв. — Sputnik. Шаршемби күнү, 29-январда, республикада жаан-чачын күтүлбөйт. Бул тууралуу Кыргызгидромет маалымдады.
Жолдор тайгак жана тоңголок болот. Шамалдын багыты өзгөрүлүп, ылдамдыгы секундасына 1-6 метрге жетет.
Билдирүүгө ылайык, абанын температурасы Чүй, Ысык-Көл аймагында -2...+3, Таласта -4...+1, Ош, Баткен, Жалал-Абад облустарында +1...+6 градус жылуу, ал эми Нарын жергесинде -7...-12 градус суук болору айтылды.
Бишкек, Ош шаарларында күн ачык болуп, күндүн табы борборубузда 0...+2, Ошто +4...+6 градуска жогорулайт.