БИШКЕК, 25-янв. — Sputnik. Түркиянын саламаттык сактоо министри Фахреттин Кожа жер титирөөнүн эпицентри болгон Элазык шаарындагы уранды алдында 30га жакын киши калгандыгын билдирди. Бул туурасында Anadolu агенттиги кабарлады.
"Элазыкта биз билгенден азыркыга чейин 30га жакын жараныбыз уранды астында калууда. Жер титирөөдө каза тапкандардын саны көбөйүшү мүмкүн", — деп кошумчалады министр.
Зилзаладан жабыр тарткан кээ бир жарандар түндү спорт залдарда өткөргөн.
Өзгөчө кырдаалдар министрлигинин акыркы билдирүүсүндө өлгөндөрдүн саны 20га, жаракат алгандардын саны 1015ке жеткени кабарланды.
Буга чейинки маалыматтарда кырсыктан 19 кишинин каза тапканы кабарланган.