БИШКЕК, 24-янв. — Sputnik. Ошто тилемчилик кылган 6 жана 2 жаштагы эки бөбөк балдар үйүнө өткөрүлдү. Бул тууралуу шаар милициясынын маалымат кызматы кабарлады.
Таенеси кайыр сураткан. Ошто тилемчилик кылган эки бөбөк табылды. Сүрөт
© Фото / Зульфия Тургунова
Укук коргоо органдарынын билдиргенине караганда, балдарды кайыр суроого таенеси чыгарган. Наристелерди Ак-Буура милиция бөлүмүнүн кызматкерлери тилемчилик кылып отурган жеринен табышкан.
Таенеси кайыр сураткан. Ошто тилемчилик кылган эки бөбөк табылды. Сүрөт
© Фото / Зульфия Тургунова
"Иликтөө балдардын ата-энеси ажырашып кеткенин көрсөттү. Балдар Ноокат шаарынан келип, Кара-Суудагы таенесинин үйүндө жүрүшкөн. Бөбөктөрдү тилемчилик кылууга таенеси чыгарган. Териштирүү маалында бүлөнүн жашоо шарты начар экени аныкталды. Балдар эч жерде билим алышпайт. Ушул тапта социалдык коргоо башкармалыгына ата-энесин балдарга болгон укугунан ажыратуу сунушу берилди", — деп айтылат маалыматта.
Эки бөбөк тең учурда Ош шаарындагы балдар үйүнө өткөрүлүп берилди.