БИШКЕК, 16-янв. — Sputnik. Мэрия Бишкектин борборунда кайыр сурап жүргөн баланы үйүнө кайтарды.
Өспүрүм тууралуу маалымат алгач социалдык тармактарга чыккан. Баланын борбор калаанын Киев көчөсүндө жайгашкан соода борборлорунун биринин жанында кайыр сурап жүргөндүгү кабарланган. Интернетке сүрөтү да чыккан.
Айтылган жерге балдарды жана үй-бүлөнү коргоо бөлүмүнүн кызматкерлери келип, аны таба алышкан эмес. Кечээ өспүрүмдү алыс эмес жердеги башка соода борборунун жанынан табышкан.
Кызматкерлер аны балдардын социалдык адаптация борборуна алып келишкен.
Текшерүүдө белгилүү болгондой, өспүрүм туулган күнүн туура айтып, жылын бир жашка азайтып койгон. Ата-энеси менен Сокулук районунда жашайт. Алар жетишпеген үй-бүлө катары каттоодо турат. Бала азыр ата-энесинин жанында.
Биринчи Май райондук Социалдык өнүгүү башкармалыгы Сокулук районундагы кесиптештерине аталган үй-бүлө менен иштешүү туурасында сунуштама жиберди.
Мэрия шаардыктардан эгер балдарга катаал мамиле жасалып жатканы жана алардын кайыр сурап жүргөнү тууралуу фактылар болсо, райондордогу үй-бүлөнү жана баланы коргоо бөлүмүнүн кызматкерлерине кабарлап коюуну өтүнөт:
- Октябрь району: 51-03-75, 0 (772) 63-79-87, Назгүл Солтонбаева;
- Ленин району: 88-22-24, 88-38-99, 0 (708) 26-62-16, Жамиля Эрмекова;
- Свердлов району: 53-05-76, 0 (706) 82-16-76, Тамара Акжолтоева;
- Биринчи Май району: 67-03-86, 0 (702) 50-18-27, Айбек Бекетаев;
- Балдарга колдоо көрсөтүү бөлүмү: 44-25-74, 0 (555) 69-13-12, Динара Давлетбаева.