Ал эми Дмитрий Медведев командасы менен отставкага кеткен.
Михаил Владимирович Мишустин 1966-жылдын 3-мартында Москва шаарында туулган.
Москвадагы "СТАНКИН" мамлекеттик техникалык окуу жайын “автоматташкан долбоорлор системасы” адистиги боюнча бүтүргөн. Кийин ошол эле университетте аспирантура бөлүмүн аяктаган. Экономика илимдеринин доктору.
Эмгек жолу:
- 1992-1995 — Эл аралык компьютердик клубдун тесттик лабораториясынын директору;
- 1995-1996 — Эл аралык компьютердик клубдун башкы директорунун орун басары;
- 1998 — Россиянын Мамлекеттик салык кызматынын жетекчисинин орун басары;
- 1999-2004 — Россия Федерациясынын салык жана жыйымдар боюнча министринин орун басары;
- 2004-2006 — Кыймылсыз мүлк объектилеринин нарк каттам агенттигинин жетекчиси;
- 2007-2008 — Өзгөчө экономикалык аймактарды башкаруу боюнча федералдык агенттиктин жетекчиси;
- 2008 — Активдерди башкаруу, түз инвестиция жана инвестициялык фонддорду Deutsche Bank менен биргеликте башкарган UFG компаниялар тобунун жетекчиси;
- 2010-жылдан тарта Федералдык салык кызматынын башчысы.