БИШКЕК, 11-янв. — Sputnik. Өкмөттүн аппаратынын кызматкери Егор Скобеевдин баш коргоо чарасы узартылганын Биринчи май райондук сотунан кабарлашты.
Ага ылайык, Скобеев 17-мартка чейин үй камагында болот. Анын буга чейин тергөө менен кызматташууга макулдугун бергени маалымдалган.
Аткаминер былтыр, сентябрда, камакка алынган. Такталбаган маалымат боюнча ал коррупцияга шектелип жатат.
Өкмөттүн берген маалыматында Скобеев аппараттагы бөлүмдөрдүн биринде эксперт катары эмгектенип келгендиги айтылган. Ага чейин, 2011-жылдары, коопсуздук, укук тартиби жана коргонууну камсыздоо бөлүмүн жетектеген.