БИШКЕК, 9-янв. — Sputnik. Россия менен Түркия учурда абал курчуп турган сириялык Идлибде тынчтык орнотуунун зарылдыгын айтып, маселе түзүлгөн келишимди аткарганда чечилерин баса белгиледи. Бул туурасында РИА Новости Владимир Путин менен Режеп Тайип Эрдогандын Стамбулдагы жолугушуусунан кийин биргелешип жасаган билдирүүсүнө таянып жазды.
"Биз Сириянын эгемендүүлүгүн, суверендүүлүгүн жана аймактык бүтүндүгү менен улуттук биримдиги сакталып калышы керек деген пикирдебиз. Террорчулуктун бардык түрүнө каршы күрөшүүдөгү чечкиндүүлүгүбүздү баса белгилейбиз, Сириядагы сепаратисттик пландардын аткарылышына каршы турабыз. Мындан улам 2018-жылдын 17-сентябрында жана 2019-жылдын 22-октябрында кол коюлган меморандумдар толук ишке ашырылышы керек деп билебиз. Абал курчуп турган Сириянын Идлибинде тынчтык орнотуунун зарылдыгын айтып, маселе түзүлгөн келишимди аткарганда чечилерин баса белгилейбиз", — деп айтылат документте.
Россия менен Түркия Сириядагы саясий чечимдерди издөө багытында Астана механизмдеринин алкагында иштөөгө милдеттенме алган. Анда эки мамлекет Бириккен Улуттар Уюмунун Коопсуздук кеңешинин 2254-резолюциясына ылайык иштеп, конституциялык комитетке колдоо көрсөтөрү айтылган. Тараптар сириялыктарга гуманитардык жардамды дискриминациясыз, саясатташтырбай жана алдын ала ар кыл шарттарды койбостон берүүнүн зарылдыгын белгилеген.
Алардын үчөө 2018-жылы Дамаскинин көзөмөлүнө өткөрүп берилген. Акыркы төртүнчүсү Идлиб провинциясында, Латкия, Хама, Алеппо провинцияларына жакын жайгашкан. Аймак азыркыга чейин өлкө бийлигине баш ийбей келет. Анткен менен анын көп бөлүгү ишмердүүлүгүнө тыюу салынган "Жебхат ан-Нусра" террордук уюму тарабынан басып алынган.
Сириянын Куралдуу күчтөрүнүн Башкы штабы 24-декабрда террорчулардан Идлиб провинциясындагы 40тан ашык кыштактын бошотулгандыгын билдирген. 19-декабрдагы аскерий операция учурунда жай жашоочуларды террорчулар көзөмөл кылып турган аймактан чыгып кетүүгө чакырган.