БИШКЕК, 8-янв. — Sputnik. Ирандын борбору Тегерандын аэропортунда Украинага таандык самолеттун кулап түшкөн учурунун видеосу социалдык тармактарга тарады. Бул туурасында РИА Новости жазды.
Видеодон асманда күйүп бараткан нерсе улам ылдыйлап, соңунда жалындап кеткенин көрүүгө болот. Күбөлөр бул украиналык Boeing 737 учагы экендигин жазышууда.
Буга чейин Украинанын аба кемеси Тегерандын Имам Хомейни атындагы эл аралык аэропортунан көтөрүлгөндө "техникалык мүчүлүштүктөн" улам кулаганы айтылган. Бортто 180 жүргүнчү бараткан. Бул кабарды аба майдандын жетекчиси тастыктаган.